Robert Lewandowski, i cili është drejt mbylljes së kontratës me Barcelonën, ka vënë në dyshim qëndrimin e tij në elitën e futbollit evropian, duke pranuar se ende nuk ka planifikuar të ardhmen. Sulmuesi polak, i cili është thuajse 38 vjeç, ka theksuar se nuk e përjashton mundësinë e një transferimi në një ligë më pak konkurruese në sezonet e ardhshme. Ai ka vendosur të marrë kohë për të reflektuar dhe konfirmoi se vendimi përfundimtar do të merret vetëm pas kësaj faze reflektimi.
Lewandowski tha se do të shqyrtojë oferta të tjera para se të marr një vendim për të ardhmen: “Do të studioj edhe ndonjë ofertë tjetër dhe më pas do të marr një vendim.” Në këtë kontekst, emri i tij është vënë në shënjestër të disa klubeve italiane, me Juventusin dhe Milanin që janë përmendur si mundësi në Serie A.
Në prapaskenë, agjenti i futbollistit, Pini Zahavi, ka zhvilluar një takim me Drejtorin Sportiv të Barcelonës, Deco. Nga ana e klubit katalanas është shprehur dëshira për ta mbajtur lojtarin, por kjo mbetet e lidhur me kushtin që Lewandowski të pranojë një reduktim të pagës. Bisedimet mes palëve tregojnë se ekziston një vullnet i katalanasve për të ruajtur sulmuesin në skuadër, por po ashtu nënvizohet se kushtet financiare do të luajnë rol vendimtar në çdo rinovim të mundshëm.
Ndërkohë, futbollisti duket i hapur ndaj propozimeve që mund të vijnë edhe nga kampionate jashtë niveleve më të larta evropiane, ndërsa vetë ai preferon të mos nxitojë një vendim pa kaluar periudhën e nevojshme reflektimi. Situata mbetet në pritje të lëvizjeve të mëtejshme, si nga ana e lewëandowskit dhe agjentit të tij, ashtu edhe nga klubi i Barcelonës dhe interesuesit e ndryshëm, ndërsa çështja e pagës dhe oferta konkrete pritet të jenë faktorët kyç të vendimit final.
