Java e 33-të e Kategorisë Superiore hapet me derbin e kryeqytetit mes Tiranës dhe Partizanit, një përballje që këtë sezon nuk zhvillohet si duel për titullin, por si mundësi për të dalë nga momentet e vështira për të dyja skuadrat. Tirana vjen nën presion, e afruar pranë zonës së rrezikut, ku tri pikët ndaj rivalit do të ishin një hap i rëndësishëm drejt sigurimit dhe largimit nga fundi i tabelës. Partizani, nga ana tjetër, po kalon një periudhë negative dhe e sheh këtë ndeshje si një shans për të mbajtur gjallë objektivin e “Final Four” dhe për të siguruar një vend në garat europiane. Ndeshja luhet në “Arenën Kombëtare” dhe pritet të jetë vendimtare për fatet e sezonit të të dyja skuadrave.
Rezultati live tregon TIRANA 0-1 PARTIZANI, me golin në minutën e 22-të nga Human. Goli erdhi pas një aksioni të rrëmbyeshëm të të kuqve në të djathtën me Sidibe, i cili dha pasimin në qendër për Human, që mposhti Bekajn. Para golit, në minutën e 19’ mesfushori Qaka u ndëshkua me karton të verdhë për një faull ndaj Kobiljar. Në minutën e 18’ pati momente paniku në zonën bardheblu gjatë zhvillimit të një këndore, ku Partizani tentoi disa harkime radhazi në qendër pa gjetur hapësirën për të goditur drejt portës. Në minutën e 7’ Sembene tentoi me një top të gjatë për të gjetur Isgandarli, por sulmuesi sinjalizohet në pozicion jashtë loje. Në minutën e 5’ pati përplasje mes Sidibe dhe Ndong pas një faulli të mbrojtësit të bardhebluve; gjyqtari Lata e zgjidhi situatën me këshillim. Sfida filloi në minutën e 1’ në “Arenën Kombëtare”.
Formacionet zyrtare të ndeshjes: Tirana paraqitet me Bekaj; Vera; Ndong; Halili; Kreshiç; Rafael; Mysloviç; Kobiljar; Haxhiu; Xhixha; Tabeku. Trajner: Orges Shehi. Partizani luan me Qirko; Preka; Sembene; Atanaskoski; Murataj; Qaka; Dumbia; Hjumën; Isgandarli; Sidibe; Kontreras. Trajner: Oltijon Kërnaja. Top Channel.
