Urban Gen hap sot dyert si një program i dedikuar tërësisht të rinjve, i moderuar nga Lei Kraja dhe Kristi Lamaj. Emisioni synon të bëhet hapësira ku brezi i ri shfaq talentet, shpreh mendimet dhe diskutojnë për të ardhmen e tyre, duke i dhënë zë energjisë dhe kreativitetit të kësaj grupmoshe.
Moderatorja Lei Kraja shpjegon se fokusi është vetëm për të rinjtë, për të nxjerrë aftësitë dhe mendësinë e tyre—çfarë mendojnë, si reagojnë, çfarë aktivitetesh dhe talentesh kanë—duke theksuar se ata janë shumë më të guximshëm. Ajo përmend se studioja do të shndërrohet në një urë lidhëse mes brezave, pasi çdo episod do të sjellë surpriza dhe të ftuar të moshave të ndryshme, që do të kundërshtojnë ide ose do të marrë pjesë në debate dhe shkëmbime mendimesh.
Këngëtari Kristi Lamaj tregon se u ftuar nga fondacioni “Dritan Hoxha” dhe pranoi menjëherë të bëhej pjesë e projektit për të mbështetur grupmoshën e të rinjve. Ai thotë se ka punuar intensivisht me stafin për t’i dhënë më të mirën dhe se ka eksploruar vetveten në këtë rol, duke premtuar episode të pasura me larmishmëri dhe dinamika të ndryshme.
Urban Gen paraqitet si platforma ku të rinjtë mund të shprehin idetë dhe mendimet e tyre për çështje që i prekin drejtpërdrejt, si arsimi, kultura, teknologjia dhe sfidat sociale. Programi synon të ofrojë “dritare” për të shpalosur energjinë dhe kreativitetin e të rinjve, për t’i njohur përparimet dhe mënyrat me të cilat ata prodhojnë art dhe ide.
Pjesëmarrja në “Urban Gen” është e hapur për çdo vajzë dhe djalë nga mosha 16–20 vjeç. Emisioni do të transmetohet çdo të shtunë në orën 16:45 në ekranin e Top Channel, me synimin që të rinjtë të dëgjohen dhe të marrin hapësirën për të shprehur zërin e tyre.
