Shërbimet e Seksionit për Hetimin e Narkotikëve, në bashkëpunim me Forcën e Posaçme “Shqiponja”, kanë realizuar një operacion policor të koduar “Siguria” pas disa ditësh hetimesh. Ky operacion kishte si qëllim kapjen e një shtetasi që shiste lëndë narkotike kanabis adoleshentëve.
Gjatë operacionit, në lagjen “Nazmi Rushiti”, u arrestua në flagrancë shtetasi L.K., 22 vjeç, banues në Peshkopi, në tentativë për të shitur doza kanabisi. Kontrolli fizik ndaj tij zbuloi një sasi lënde të dyshuar narkotike kanabis, e ndarë në doza gati për shitje, si dhe një shumë parash, që dyshohet se janë përfituar nga kjo veprimtari kriminale.
Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Dibër për veprime të mëtejshme.
