Aktori Michael B. Jordan ka fituar çmimin për Aktorin më të Mirë në Rol Kryesor në ceremoninë e 98-të të Academy Awards, për performancën e tij në filmin “Sinners”. Në momentin e shpalljes së emrit të tij, salla shpërtheu në duartrokitje dhe reagime entuziaste nga yjet e pranishëm.
Jordan e nisi fjalimin e tij falënderues duke përshëndetur familjen e tij të pranishme, duke e bërë momentin emocional. Ai falënderoi regjisorin Ryan Coogler, duke e cilësuar atë si një mik dhe bashkëpunëtor të rëndësishëm. Jordan e vlerësoi mundësinë që i dha Coogler për t’u ekspozuar në kinematografi, duke theksuar se kanë bashkëpunuar me sukses gjatë viteve.
Në fjalimin e tij, ai theksoi rëndësinë e figurave legjendare që e kanë hapur rrugën për brezat e rinj të aktorëve, duke përmendur emra si Sidney Poitier, Denzel Washington, Jamie Foxx dhe Halle Berry. “Unë qëndroj këtu falë atyre që erdhën para meje,” tha ai, duke shprehur nderimin për ata që kanë kontribuar në kinematë të ndryshme.
Jordan gjithashtu shprehu mirënjohje për publikun dhe të gjithë ata që e kanë mbështetur gjatë karrierës së tij, duke theksuar se ndien mbështetje dhe besim nga ata. “E di që doni të kem sukses dhe dua ta arrij këtë sepse ju keni besuar tek unë. Faleminderit që vazhdoni të besoni. Do të vazhdoj të rritem dhe të jap versionin më të mirë të vetes time,” përfundoi ai.
Me këtë fitore, Michael B. Jordan ka forcuar pozitën e tij në industrinë e kinematografisë, duke treguar se puna dhe pasioni i tij po shpërblehen ndërsa ai vazhdon të përfaqësoj brezin e ri të aktorëve.
