Shtetet e Bashkuara kanë intensifikuar praninë e tyre ushtarake pranë Iranit, duke vendosur mbi 150 avionë luftarakë në baza në Evropë dhe Lindjen e Mesme. Ky veprim ndodhi pas dështimit të bisedimeve për programin bërthamor iranian më 17 shkurt, sipas shkqyrtimeve të fluturimeve dhe imazheve satelitore nga The Washington Post.
Aktualisht, prania ushtarake amerikane në rajon është më e madhe që nga fillimi i luftës në Irak në vitin 2003. Rritja e forcave ushtarake ndodhi pas kërcënimeve nga Presidenti Donald Trump për një sulm ndaj Iranit, nëse nuk arrihet një marrëveshje për ndalimin e programit bërthamor. Zyrtarët iranianë kanë shprehur se një marrëveshje është e mundur, por kërkon kohë.
Ekspertët e sigurisë theksojnë se ky mobilizim është më i madh se ai i bërë para sulmeve amerikane në qershor të vitit të kaluar dhe sugjerojnë se përgatitjet për një fushatë ajrore po zhvillohen, pa një pushtim tokësor të planifikuar. Aeroplanmbajtësja USS Gerald R. Ford, e cila mbërriti pranë Kretës, është e dyta që vendoset në rajon, duke e rritur ndjeshëm numrin e anijeve amerikane atje në rreth një të tretën e totalit.
Dana Struhl, një ish-zëvendës ndihmës sekretare mbrojtjeje, vlerëson se mbledhja dëshmon se ushtria amerikane ka kapacitetin të realizojë çdo plan të Trump, nga fushata me intensitet të lartë deri te sulme të kufizuara. Sipas Mark Kansian, një këshilltar i lartë, nëse një fushatë ajrore njëjavore është në plan, armët e tjera do të ishin të nevojshme.
Pjesa më e madhe e forcave amerikane është vendosur në baza në Evropë, për të mbajtur distancën nga raketat iraniane, duke i lejuar SHBA të pozicionojë strategjikisht pajisjet pa krijuar një “objektiv tërheqës” për iranianët. Zyrtarët e Pentagonit kanë konfirmuar rritjen e forcave, por kanë refuzuar të komentojnë për detaje të tjera për arsye sigurie operacionale.
