Finalja e Superkupës së Shqipërisë do të realizohet më 28 dhjetor, në orën 19:00, në stadiumin “Air Albania”, ku përballë do të jenë Egnatia dhe Dinamo City. Kjo ndeshje shënon edhe trofeun e parë të sezonit, me të dyja skuadrat që kanë si synim të mbyllin vitin me sukses.
Historia mes këtyre dy ekipeve është e pasur, me gjithsej 30 ndeshje të zhvilluara, ku Egnatia dominon me 15 fitore, ndërsa Dinamo City ka arritur të fitojnë vetëm 5 herë. Njëzet ndeshje kanë përfunduar me barazim. Në aspektin e golave, Egnatia ka realizuar 37, kurse Dinamo City 19.
Pritshmëritë për këtë finale janë të larta, për shkak të rivalitetit të fortë mes skuadrave. Tifozët e dy ekipeve shpresojnë për një ndeshje emocionuese dhe të mirëorganizuar. Biletat për këtë ngjarje sportive janë aktualisht në shitje dhe mund të blihen online në platformën e biletave, e cila ofron mundësinë për të siguruar vendin për një nga ngjarjet më të rëndësishme të futbollit shqiptar.
Rivaliteti dhe pasioni i të dyja skuadrave pritet të sjellin një atmosferë të veçantë në stadium, duke e bërë këtë finale një ngjarje të paharrueshme për tifozët shqiptarë.
