E hëna e 6 tetorit shënoi fillimin e vitit të ri akademik në Shqipëri, duke sjellë një lëvizje të madhe studentësh dhe trafik të shtuar, veçanërisht në kafenetë që rrethojnë universitetet. Në këtë vit, 20.200 të rinj janë regjistruar në vitin e parë të arsimit të lartë, me rreth 60% të tyre që kanë zgjedhur Universitetin e Tiranës.
Statistikat tregojnë se universitetet publike mbeten të preferuara nga studentët, me vetëm 25% që kanë zgjedhur institucione private. Disa nga degët më popullore këtë vit janë mjekësia, teknologjia dhe arkitektura, të cilat kanë plotesuar të gjitha kuotat me aplikantët më të mirë. Raundi i dytë i regjistrimeve është planifikuar të përfundojë më 8 tetor, ndërsa pas kësaj është parashikuar një proces i lirë regjistrimi për studentët e tjerë.
Në fakultetet që kanë vende të lira, maturantët që nuk janë pranuar përmes aplikimit në platformën U-Albania do të kenë mundësi të regjistrohen gjatë kësaj periudhe njëjavore. Ky vit akademik pritet të sjellë një konkurrencë të fortë dhe një rritje të interesit për arsimimin më të lartë, sidomos në fushat me kërkesë të lartë në tregun e punës.
Për studentët fillestar, ky është një moment vendimtar në karrierën e tyre, ndërsa universitetet po përpiqen të ofrojnë mundësi dhe burime të nevojshme për t’i mbështetur ata në këtë udhëtim të ri.
