Në emisionin “Live From Tirana” me Ronaldo Sharkën, eksperti i IT-së, Ardit Gavani, prezantoi trendet e kërkimeve më të mëdha nga shqiptarët në Google gjatë vitit të fundit. Sipas Gavani, termin “slot machine” kryeson listën e kërkimeve, duke reflektuar një interes të vazhdueshëm për lojërat e fatit dhe kazinotë online, një situatë që ai e lidh me shenjat e varësisë të popullsisë ndaj këtyre aktiviteteve. Ai theksoi se këto kërkime kryesisht ndodhin në platforma të huaja, pasi ato shqiptare janë tepër të pakta.
Në vend të dytë renditen faqet me përmbajtje pornografike, mes të cilave kryeson PornHub, duke ndjekur edhe XNXX dhe XHamster. Gavani nënvizoi se kërkimet për lojërat e fatit online kanë tendencë të rriten nga ndeshjet sportive, ndërsa interesi për përmbajtje pornografike mbetet konstant, me një pikë më të ulët prej 200 klikimesh në ditë.
Kërkesa për pornografi ndryshon nga njëra zonë në tjetrën, me Dibër si qytetin që kryeson në këtë kategori, të ndjekur nga Kukës, Fier, Korçë dhe Elbasan. Në vend të tretë është emisioni “Big Brother VIP Albania”, i cili rënditet sipas sezonit të transmetimit. Kërkimet vazhdojnë me figura publike si Laert Vasili dhe Loredana Brati.
Përveç këtyre, kërkimet përfshijnë gjithashtu filma me titra shqip, ngjarje si Eurovision 2025, dhe tema të tjera të rëndësishme si rezultatet e zgjedhjeve dhe kursin e euros. Në total, lista e kërkimeve përfshin një përzgjedhje të gjerë, duke reflektuar interesat për aktivitete të ndryshme që variojnë nga argëtimi deri te informatat praktike.
