Kompania lobuese Continental Strategy, e angazhuar nga Partia Demokratike përpara zgjedhjeve të 11 majit, ka ndryshuar letrën e dërguar më 22 korrik Departamentit Amerikan të Shtetit, ku argumentohej se Sali Berisha nuk ishte më një politikan aktiv, dhe si pasojë, nuk duheshte të ruante statusin e tij “non grata.”
Përkundrazi, vetëm tetë ditë më vonë, lobistët e Berishës ndryshuan këtë pozicion, duke e përshkruar atë si një figurë të angazhuar në politikë, ndonëse jo në qeveri. Pas këtij ndryshimi, Continental Strategy paraqiti një tjetër profil të Berishës, duke e konsideruar si lider të popullit opozitar dhe aktiv në rajon.
Sipas letrës së re, Berisha, pavarësisht se nuk mban një post qeveritar, mbetet një figurë aktive politike dhe udhëheqës i Partisë Demokratike. Kjo korigjim, sipas firmës lobuese, është i bazuar në fakte dhe ligje që mbështesin heqjen e shpalljes së tij. Ajo nënvizon se shpallja kishte qenë e motivuar politikisht dhe pa prova të forta, duke dëmtuar interesat amerikane në rajon.
Ky përcaktim shpërtheu debat publik, ku Berisha, si lider opozite, kritikon vazhdimisht proceset zgjedhore në Shqipëri. Continental Strategy, që ka lidhje të ngushta me Partinë Republikane të SHBA-së dhe Donald Trump, ka nënshkruar një kontratë lobimi me vlerë deri në 6 milion dollarë për të përmirësuar imazhin ndërkombëtar të PD-së dhe për të lobuar në Washington.
