TIRANA- Kryeministri Edi Rama ka bërë një postim në rrjetet sociale ku thotë se Autoriteti i Aviacionit Civil është njohur nga NATO për vlefshmërinë ajrore, duke përmbushur kështu plotësisht standardet e përcaktuar nga Aleanca.
Gjithashtu Rama ka publikuar edhe dokumentin,ku thuhet se NATO arrin në përfundimin se Autoriteti i Aviacionit Civil i Shqipërisë është plotësisht në përputhje me kërkesat për t’u bërë një autoritet i vlefshmërisë ajrore i njohur nga NATO, siç përcaktohet nga NAWP dhe sipas procesit të njohjes së NATO-s (NRP).
“MIRËMËNGJES dhe me lajmin e mirë se Autoriteti i Aviacionit Civil i Shqipërisë është njohur nga NATO për Vlefshmërinë Ajrore, duke përmbushur plotësisht standardet e përcaktuara nga Aleanca e Atlantikut, ju uroj një ditë të mbarë”, shkruan Rama.
https://www.facebook.com/plugins/video.php?height=314&href=https%3A%2F%2Fwww.facebook.com%2Fediramaal%2Fvideos%2F1996873707788859%2F&show_text=false&width=560&t=0
