Ditën e sotme u mbajt tryeza e diskutimit “Vlerësimi i Arkitekturës Institucionale në funksion të Performancës dhe Integritetit të Prokurorisë së Posaçme: Garancitë për Pavarësi dhe Mekanizmat e Llogaridhënies Organizuar nga Qendra për Studimin e Demokracisë dhe Qeverisjes”. • I pranishëm në këtë tryezë ishte edhe ambasadori i BE-së në Tiranë, Silvio Gonzato.
Ky i fundit tha se reforma në drejtësi ka dhënë atë që pritej nga Shqipëria në rrugën drejt BE-së, ndërsa shtoi se ka edhe shumë punë për të bërë në zbatimin e plotë të saj. • Gjithashtu Gonzato theksoi rëndësinë e ruajtjes së hapave pozitivë të arritura. • E pranishme në këtë tryezë ishte edhe Kryetarja e Kuvendit, Elisa Spiropali. • Gjatë fjalës së saj Spiropali deklaroi se sistemi i drejtësisë është larg nga të qenit i përkryer, por është në rrugën e duhur të funksiononimit.• Ajo theksoi se SPAK dhe GJKKO janë shndërruar në model krahasimor për arkitekturën e tjetër të sistemit. Sipas saj progresi nuk është i lehtë, është luftë e paprerë ku duhen fituar beteja të përditshme.
Ministri i Drejtësisë, Ulsi Manja vlerësoi reformën në drejtësi. Gjatë fjalës së tij Manja tha se SPAK është një nga arritjet më të prekshme të reformës në drejtësi, një strukturë e ndërtuar mbi themelet e integritetit, profesionalizmit dhe pavarësisë funksionale. • Sipas tij, pavarësia duhet të shoqërohet me mekanizma të qartë dhe efektivë të llogaridhënies, për të garantuar që fuqia e dhënë institucioneve të drejtësisë të mos kthehet në vetëreferencë, por të shërbejë interesit publik dhe sundimit të ligjit.
Gjithashtu ai theksoi se reforma në drejtësi, e mbështetur gjerësisht nga qytetarët shqiptarë dhe partnerët tanë ndërkombëtarë, ka pasur si objektiv kryesor ndërtimin e një sistemi drejtësie të pavarur, të paanshëm dhe efektiv. •
Gjatë fjalë së tij, kreu i SPAK Altin Dumani tha se ndërhyrjet që mbajnë karakter konstruktiv janë të mirëpritura, por çdo përpjekje për të cënuar pavarësinë funksionale të SPAK nëpërmjet rekomandimeve të paqarta ose të njëanshme rrezikon të çbalancojë kufijtë kushtetues midis pushteteve.
Ai theksoi se vërejtja se ekzekutivi të kufizojë ndikimin në sfera administrative është e drejtë. • Gjithashtu kreu i SPAK tha se janë përpjekur të trajtojnë çdo rekomandim të Kuvendit.
