Konflikti mes presidentit Donald Trump dhe njeriut më të pasur në botë, Elon Musk ka arritur një nivel të ri: Musk ka bërë të ditur se sot do të themelojë një parti të re me emerin: America Party.
Elon Musk ka shkruar në X: “Sot do të themelohet Partia Amerikane, me qëllim që të rikthejë lirinë”.
Musk thotë se Amerika po jeton në një sistem njëpartiak, ku po mbretërojnë korrupsioni dhe shpenzimet e panevojshme dhe jo demokracia. Në këtë mënyrë ai thellon edhe më shumë konfliktin me Trumpin, të cilin gjatë fushatës elektorale në zgjedhjet e fundit e ka mbështetur me plot 250 milionë dollarë.
Musk ka pasur edhe një funksion të lartë në administratën e Trumpit, por Trump dhe Musk shumë shpejt janë futur në konflkt. Konflikti është ashpërsuar në veçanti pas ligjit të fundit për tatimet.
Ndërsa krijimi i një partie të re shënon një nivel tjetër të konfliktit.
Musk akoma nuk e ka bërë të ditur se kush do të jetë kryetar i partisë së re dhe cili do të jetë roli i tij. Sot do të dihet më shumë…/
Nga Bahri Cani
