Personi në foto është Gertini Aliu, 44 vjeç, i njohur si Gerti, pjesëtar i grupit kriminal “Poja” për trafikimin e lëndëve narkotike është arrestuar në Belgjikë, si pjesë e operacionit të përbashkët “Ura”.
Arrestimi i Aliut u krye pas nje informacioni nga Policia shqiptare per vendodhjem e 44 vjecarit.
Nga Prokuroria e Barit Gertini Aliu dyshohet për pjesëmarrje në organizatë kriminale dhe trafikim të lëndëve narkotike, vepra për të cilat është caktuar masa e sigurisë “arrest në burg” që nga viti 2025.
Emri i Gertini Aliut del në skenë si pjesë e dosjes të koduar “Ura”, ku ai rezulton të ketë vepruar si ndërmjetës mes një grupi shqiptar dhe një tjetri italian në trafikun ndërkombëtar të drogës.
Sipas dokumenteve hetimore, ai ishte në komunikim të vazhdueshëm përmes aplikacionit të koduar Sky ECC, me emra të tjerë të përfshirë në këtë rrjet, si Redi Tusha (vëllai i truprojës së ish-kryeministrit Sali Berisha), Erigels Presi dhe Genci Telollari.
Gjithashtu, përmes përgjimeve në Sky ECC, rezulton se Aliu kishte kontakte në Shqipëri me një tjetër trafikant, me qëllim krijimin e një rruge të re furnizimi me drogë nga Shqipëria drejt Italisë.
Në këtë dosje përmenden edhe bashkëpunëtorët e tij të afërt, mes tyre Adi Çoba (i njohur me pseudonimin “Bazholi”), Orges Molla (Gesi) dhe Ervis Deti. Adi Çoba konsiderohet si drejtuesi kryesor i një nën-grupi që vepronte në Itali dhe merrej me sigurimin e kokainës dhe heroinës.
Operacioni “Ura” coi në lëshimin e 52 masave sigurie, prej të cilave 29 nga GJKKO për anëtarë të një prej grupeve kriminale më të rrezikshme që vepronin në territorin shqiptar dhe jashtë tij. Tre organizata kriminale janë goditur, përfshirë një me bazë në Durrës të drejtuar nga i kerkiari Ervis Doci, i njohur si Visi i Pojes, dhe dy të tjera në territorin italian.
