TIRANË- Kreu i Partisë Demokratike Sali Berisha duke komentuar zgjedhjet e 11 majit deklaroi se Lulzim Basha në vitin 2021, braktisi votën e shqiptarëve. I ftuar në ‘Çim Peka LIVE’ Berisha theksoi se, Basha dërgoi një raport të turpshëm tek vëzhguesit ndërkombëtar, duke braktisur shqiptarët dhe duke nisur një proces brenda partisë për të harruar zgjedhjet. Ndër të tjera Kryedemoikrati theksoi se detyra e tyre është të mbrojnë votën.
Berisha: Po marr Lulzim Bashën. Të pasnesërmen e zgjedhjeve (2021) unë i bëra shkrim; Vota vdiq pa hyrë në kuti. Çfarë bëra? Thashë se këta e morën në këto mënyra. Detyra jonë është të mbrojmë votën. E vërteta është se vëzhguesit ndërkombëtarë bënë një raport fare objektiv në 2021. Lulzim Basha në vend se të merrej me çfarë ndodhi gjatë zgjedhjeve, filloi procesin në parti. Analizat e gjërat me të cilat u harruan zgjedhjet.
Gjëja me e papranueshme ishte se ai, në fund çoi një raport të turpshëm disa faqesh tek vëzhgësuesit dhe kur ata e panë se ky, nuk i del zot asgjëje, ata e zbutën raportin. Nuk kishte asnjë lloj përveç se kthimit të shpinës që ai i bëri farsës elektorale. Nëse Lulzim Basha do të qëndronte mbas asaj vote dhe unë në atë artikull i kam thënë se, analiza e partisë duhet të bëhet pas kësaj. Por në fillim duhej bërë aksioni ndërkombëtar. Unë e njihja mirë dhe e kisha bërë e jo pasukses.
