BERLIN- Kryeministri Edi Rama ka marrë pjesë në konferencën për shtyp përpara hapjes së Panairit Ndërkombëtar të Turizmit, ku Shqipëria është përzgjedhur si “Vendi i Nderit” për 2025. Rama tha se deri më tani Shqipëria është vendi me rritjen më të shpejtë si destinacion turistik në botë. Ai shtoi se në vitet ’90 Shqipëria ishte e izoluar nga e gjithë Europa. Rama tha se në aeroport kishte një berberhanë pasi në vendin tonë Karl Marks nuk do të lejohej të hynte nëse nuk do të hiqte mjekrën.
“Deri më tani Shqipëria është vendi me rritjen më të shpejtë si destinacion turistik në botë po kështu kemi dhe aeroportin me rritjen më të shpejtë në botë deri më tani ndërkohë që shohim edhe turistët gjermanë që po vijnë. Ca vite më parë dikush më tha ‘dita kur turistët gjermanë do të vijnë Shqipëri do të jetë dita kur progresi juaj do të jetë i pakthyeshëm’.
Shqipëria nuk është më e panjohur. Jemi të lumtur të shohim rritjen e shifrave të ardhjes së turistëve gjermanë, nga 120 mijë që ishin disa vite më parë, në 374 mijë vitin e kaluar. Jemi ambiciozë për të marrë më shumë turistë gjermanë sepse ata janë më kokëfortët që të kuptojnë se ku po shkojnë, dhe në momentin që vijnë është një dëshmi e fortë e ndryshimit. Jemi të lumtur të shohim shifrat e rritjes së numrit të turistëve gjermanë.
120 mijë vetëm pak vite më parë ndërsa janë rritur në 374 mijë vitin e kaluar jemi ambiciozë për të marrë edhe më shumë. Ishim të izoluar nga e gjithë Europa para viteve ’90, ishin Koreja e Europës. Në aeroport kishte një berberhanë pasi në vendin tonë Karl Marks nuk do të lejohej të hynte nëse nuk do të hiqte mjekrën”, tha Rama.
