Avokati Genc Gjokutaj thotë se mbi Monika Kryemadhin rëndojnë tre akuza, të njëtja me ish-bashkëshortin e saj, Ilir Meta.
Në një konferencë për mediat nga Partia e Lirisë, Gjokutaj tha se babai i Erisa Xhixhos, Pirro Xhixho dhe Ema Çoku akuzohen për pastrim parash, vepra penale që SPAK thotë se janë kryer në bashkëpunim.
Ndonëse ndaj Kryemadhit janë ngritur të njëjtat akuza, ajo është lënë me masën “detyrim paraqitje”.
“Në vendim përmenden edhe tre emra të tjerë, zonja Monika Kryemadhi, korrupsion pasiv, deklarim i produkteve…njëlloj si Ilir Meta, dhe zonja Ema Coku, pastrim i produkteve, në bashkëpunim.
Puna është ku mbështeten këto dispozita, sepse kanë kaluar në një sitë dhe është marrë vendimi i formës së prerë. Sipas vendimit, Kryemadhi është në detyrim paraqitje, Pirro Xhixho në arrest shtëpie dhe Ema Çoku në detyrim për t’u paraqitur”, u shpreh Gjokutaj.
Meta dhe Kryemadhi janë hetuar për çështjen e korrupsionit CEZ-DIA, lobimin në SHBA, si dhe kanë qenë nën hetim pasuror. Sipas raportimeve, të treja dosjet e SPAK janë bashkuar në një të vetme.
