SPAK ka kaluar për gjykim dosjen “Plumbi i Artë”, ku i penduari i drejtësisë Nuredin Dumanoi zbërtheu disa ngjarje të rënda kriminale të ndodhura në trekëndëshin Elbasan-Tiranë-Durrës. Burime bëjnë me dije për ZËRIN, se një prej të pandehurve në këtë dosje, Talo Çela, do të hetohet në mënyrë të veçuar për një vrasje.
GJKKO ka pushuar hetimet për vrasjen e dy vëllezërve Haxhia në Durrës, ndërkohë që Talo Çela do të rihetohet për vrasjen e Anxhelo Avdiajt dhe Dorian Shkozës.
Ndërkohë në lidhje me të akuzuarin Florent Çekrezi, është pushuar akuza për pjesëmarrje në grup kriminal dhe do të gjykohet vetëm për mbajtje pa leje të municioneve.
Talo Çela që është një prej personazheve të përmendur nga Dumani si i përfshirë në disa ngjarje kriminale, është ende në kërkim nga policia. Edhe pse janë ndërmarrë dhjetra operacione për kapjen e tij, të gjitha ato kanë dështuar.
