Shtatë persona kanë mbetur të asfiksuar nga zjarri që shpërtheu pasditen e së martës pranë spitalit “Nënë Tereza” në Tiranë. Të lënduarit janë dërguar në urgjencën e QSUT. Forcat zjarrfikëse janë angazhuar për të evakuuar banorët që ndodhen ende brenda pallatit, i cili është përfshirë nga flakët.
Zjarri ka shkrumbuar tërë fasadën e pallatit, por ende nuk dihen shkaqet e tij. Në vendngjarje janë angazhuar dy helikopterë Cougar për shuarjen e flakëve, si dhe tetë zjarrfikëse, gjashtë nga emergjencat dhe rreth 50 persona, përfshirë ushtarë dhe staf të emergjencave civile, si dhe katër autoambulanca.
