2 ditë pas dhunës barbare të ushtruar ndaj Bilbil dhe Jashar Majas mësohet se është mbyllur gurorja e cila shkaktoi edhe ngjarjen e rëndë në Krujë.
Mësohet se Forcat e policisë nga Tirana kanë bllokuar guroren.
Dhuna e ushtuar ndaj 2 të plagosurve u regjistrua pasi pjesëtarët e fisit Maja ishin ankuar për guroren duke u shprehur se shpërthimet po u dëmtonin shtëpitë.
Në lidhje me ngjarjen janë marrë disa masa ku janë arrestuar disa persona dhe janë shpallur në kërkim të tjerë. Komisariati i Krujës ditën e sotme gjithashtu u shkri.
Mesditën e sotme dha dorëheqjen nga mandati deputeti i PS në Krujë, Rrahaman Rraja i cili i bëri thirrje djalit të tij të dorëzohet pasi është shpallur në kërkim në lidhje me dhunën e regjistruar në Krujë.
Ndërkohë pak minuta më parë kryeministri Rama njoftoi shkarkimin e ministrit të Brendshëm, Bledi Çuçi.
