Është zbuluar shkaku i vendosjes së tritolit në fasonerinë në Fresk. Italianit i ishte vendosur gjobë 100 mijë euro nga Edmond Arapi, ky i fundit e ka kërcënuar edhe më parë që t’i jepte paratë, .por italiani nuk pranoi të paguante gjobën.
Gjithashtu policia ka zbuluar dhe arrestuar dy persona, porositësin dhe autorin që e vendosi.
Sipas policisë Edmond Arapi 46-vjeç është personi që ka shtyrë një 16-vjeçar kundrejt shpërblimit 100 mijë lekë të rinj që t’i vendoste eksploziv fasonerisë në pronësi të biznesmenit italian Roberto Bingaido.
Biznesi ndodhet në zonën e “Freskut” në rrugën “Fadil Deliu” në Tiranë. Sekuestrohen një biçikletë e përdorur nga 16-vjeçari, e dyshuar e vjedhur më parë, veshje që ai ka përdorur gjatë vendosjes së eksplozivit dhe një mekanizëm arme.
