Presidenti i FSHF-së, Armand Duka, ka uruar Presidentin e FIFA-s, Gianni Infantino, me rastin e 10-vjetorit të tij në krye të këtij institucioni. Në një video-mesazh, Duka ka theksuar lidershipin dhe vizionin e Infantino gjatë këtij dekadë, duke evidentuar se FIFA ka përjetuar një zhvillim të rëndësishëm nën drejtimin e tij, me më shumë investime, përfshirje dhe standarde më të larta globalisht.
Duka e ka vlerësuar gjithashtu rritjen e mbështetjes për federatat anëtare dhe ndikimin pozitiv të reformave në zhvillimin e futbollit shqiptar. FSHF, së bashku me Presidentin Duka, i ka shprehur urime për suksese të vazhdueshme Infantino dhe ka përmendur mirënjohjen për mbështetje dhe partneritetin e fortë me FIFA-n.
FSHF ka deklaruar se do të vazhdojë të punojë ngushtë me FIFA-n për projekte që avancojnë futbollin shqiptar dhe kontribuojnë në vizionin global të këtij sporti. Në mesazhin e tij, Duka e ka uruar Infantino për transformimin e FIFA-s në një organizatë më të fortë dhe transparente, me rritje të dukshme në të ardhura dhe profesionalizëm.
Ai është shprehur se organizimi i Kupës së Botës dhe Kupës për Klube ka qenë në standarde shumë të larta, duke ofruar futboll të jashtëzakonshëm. Duka ka vënë në dukje edhe angazhimin e Infantino për solidaritetin dhe unitetin, që ka sjellë rezultate të dukshme për federatat anëtare.
Për Shqipërinë, Duka ka theksuar përfitimet nga programi FIFA Forward, si dhe inaugurimin e Shtëpisë së Futbollit në Tiranë, një investim i rëndësishëm për vendin. Ai e ka inkurajuar Presidentin Infantino të vazhdojë të udhëheqë me pasion dhe vendosmëri, duke i uruar suksese në të ardhmen.
Me këtë rast, FSHF e dëshmon angazhimin e saj për të kontribuar në suksesin e futbollit në Shqipëri, duke u mbështetur në partneritetin me FIFA-n.
