Një dokument zyrtar i Prokurorisë së Posaçme Kundër Korrupsionit dhe Krimit të Organizuar (SPAK) ka hedhur poshtë pretendimet e përhapura së fundmi në media se Kreshnik Ternova është person nën hetim nga ky institucion.
Në vërtetimin e lëshuar nga SPAK, pas verifikimeve të kryera në regjistrin e njoftimit të veprave penale, thuhet qartë se nuk rezulton të jetë regjistruar asnjë procedim penal në emër të Kreshnik Ternovës.
Dokumenti zyrtar thekson:
âPas verifikimeve tĂ« kryera nĂ« regjistrin e njoftimit tĂ« veprave penale tĂ« ProkurorisĂ« sĂ« Posaçme kundĂ«r Korrupsionit dhe Krimit tĂ« Organizuar, nuk rezulton qĂ« tĂ« jetĂ« regjistruar procedim penal, deri aktualisht, nĂ« emĂ«r tĂ« Kreshnik Ternova.â
Vërtetimi është lëshuar nga kancelaria e SPAK dhe mban vulën zyrtare të institucionit, duke konfirmuar se deri në momentin e lëshimit të dokumentit nuk ekziston asnjë procedim penal i regjistruar ndaj tij.
Publikimi i këtij dokumenti vjen pas një fushate akuzash dhe sulmesh mediatike që e kanë paraqitur Ternovën si person nën hetim. Megjithatë, të dhënat zyrtare të SPAK tregojnë të kundërtën, duke rrëzuar pretendimet e bëra publikisht.
Sipas mbështetësve të Ternovës, publikimet e fundit kanë qenë pjesë e një fushate të qëllimshme për dëmtimin e reputacionit dhe figurës së tij publike. Ata argumentojnë se dokumenti i SPAK përbën provën më të qartë se pretendimet e ngritura nuk mbështeten në fakte zyrtare.
Dokumenti i siguruar nga SPAK konfirmon se Kreshnik Ternova nuk figuron në regjistrat e procedimeve penale të Prokurorisë së Posaçme dhe se ndaj tij nuk ka asnjë procedim penal të regjistruar deri në datën e lëshimit të këtij vërtetimi.
