Charles Leclerc, piloti i njohur i Ferrarit, dhe e fejuara e tij, Alexandra Saint Mleux, kanë kurorëzuar dashurinë e tyre me një ceremoni martesore në Principatën e Monacos. Çifti njoftoi lidhjen e tyre të martesës më 2 nëntor të vitit të kaluar, dhe për këtë ngjarje të veçantë, ata organizuan një ceremoni private në Montecarlo.
Ceremonia ishte e mbyllur për publikun, por u zbuluan disa detaje përmes një videoje që u bë menjëherë virale në rrjetet sociale. Në video, Leclerc dhe Alexandra shfaqeshin të veshur në mënyrë ceremoniale, duke udhëtuar me një makinë Ferrari 250 Testa Rossa të vitit 1957, e cila ka një vlerë prej deri në 30 milion euro. Kjo ngjarje emocionuese për çiftin shënon fillimin e një kapitulli të ri në jetën e tyre, ku ata tani janë burrë e grua.
Pas ceremonisë, Leclerc do të kthehet në angazhimet e tij profesionale me fillimin e sezonit të Formula 1, por këtë fundjavë ai gëzoi momente të veçanta me partneren e tij, me të cilën nisi një lidhje në vitin 2023, pas përfundimit të marrëdhënies së tij të mëparshme me Charlotte Sine.
Alexandra Saint Mleux, që ka një background franco-argjentinase dhe meksikane, është një profesioniste e arteve, e cila ka spikatur për stilin e saj të sofistikuar si modele dhe influencere. Ajo u rrit në Principatë dhe e njohu Leclerc pikërisht në rrugët e Montecarlos. Ky çift i ri, i cili po ndërton një jetë të re së bashku, është në qendër të vëmendjes jo vetëm për lidhjen e tyre romantike, por edhe për sukseset individuale në fushat përkatëse.
