Tashmë është zyrtare. Ardi Veliu ka dhënë dorëheqjen nga drejtimi i Agjencisë së Mbikëqyrjes Policore pasi një viti në këtë post. Lajmi qarkulloi në media pak ditë më parë, por nuk kishte konfirmim zyrtar.
Por ditën e sotme, në nisje të javës gjatë një mbledhje me stafin Veliu ka njoftuar vendimin zyrtarisht. Arsyet e largimit nga posti nuk dihen.
Në muajt e fundit, që pas marrjes së detyrës së ministrit të Brendshëm nga Taulant Balla janë rritur goditjet kundër efektivëve të lidhur me krimin.
Më herët Veliu ka qenë në postin e Drejtorit të Përgjithshëm të Policisë së Shtetit si dhe atë të zv/ ministrit të Energjisë dhe Infrastrukturës.
