Visar Bekaj rikthehet te Tirana, pas një periudhe te Hatayspor, ku u tërhoq për shkak të problemeve financiare të klubit turk. Skuadra bardheblu ka njoftuar zyrtarisht se portieri ka nënshkruar një kontratë deri në vitin 2027. Në një postim në median sociale, Tirana shprehet se Bekaj “i njeh ngjyrat” dhe se ai është “një nga ne”.
Pas katër vitesh, ai rikthehet në “selinë” e tij, pas një vit të suksesshëm ku ishte titullar kur Tirana fitoi titullin e fundit kampion në vitin 2022. Ky rikthim vjen në një moment delikat për ekipin, i cili këtë sezon po lufton për mbijetesë në Kategorinë Superiore.
Rikthimi i Bekajt është pjesë e një strategjie më të gjerë të klubit për të forcuar skuadrën. Ai bashkohet me transferimet e tjera të kryera nga Tirana, që përfshijnë Xhixhën, Ernest, Alvarez dhe Ndong. Klubi shpreson që këto afrime do të ndihmojnë në ndryshimin e fatit të sezonit, duke synuar që të sigurojë qëndrimin në elitën e futbollit shqiptar.
