SPANJË-Një zyrë modeste prej 20 metrash katrorë në ndërtesën e Përdorimeve të Përbashkëta të Parkut Teknologjik Boecillo në Spanjë ka rezultuar të jetë qendra e një rrjeti trafiku kokaine, ku u gjetën 712 kilogramë, me vlerë 38 milionë euro. Droga ishte kamufluara në thasë me miell palme, që niseshin nga Kolumbia me destinacion final për shumë qytete të mëdha në Spanjë dhe Evropë.
Gjykata ka dhënë dënimin për grupin kriminal, i cili drejtohej nga dy vëllezër shqiptarë, që u vunë në pranga në 2020, pas një hetimi prej rreth 2 vitesh, raportojnë mediat spanjolle. Hetuesit krijuan një strukturë të posaçme, të përbërë nga më shumë se njëqind policë të shpërndarë në provincat e ndryshme spanjolle dhe arrestuan 11 personave në Valencia (4), Madrid (3), Valladolid, Vigo, Valencia dhe Toledo, duke përfshirë personat kryesorë përgjegjës për organizimin dhe përgjegjësit e logjistikës dhe infrastrukturës.
Rolet e pjesëtarëve të grupit
Si tru, dy vëllezër shqiptarë, të cilët ishin në kontakt me furnitorët kolumbianë dhe mbikëqyrnin të gjithë logjistikën në Spanjë. Një detyrë ishte pritja e mallit dhe ishte në krye të një transportuesi nga Pontevedra Manuel GC. Në nivel të lartë ishte edhe një biznesmen nga Boecillo që kontraktonte ngarkesat e ‘miellit’.
Po ashtu, një prej anëtarëve merrte me qira apartamente në Madrid dhe Valencia (vendi i laboratorit për shndërrimin e miellit në bazë kokaine) dhe një nip i shqiptarëve, ishte si ndihmës për “menaxhime” të ndryshme.
Dënimi
Krerët shqiptarë janë dënuar me dhjetë vjet burg dhe 20 milionë gjobë secili. Njëri prej tyre ka shtuar gjashtë muaj të tjerë për armëmbajtje pa leje pasi në shtëpinë e tij në Paracuellos del Jarama (Madrid) policia sekuestroi një revole të markës ‘Mondial’. Transportuesi Galician Manuel GC është dënuar me 11 vjet burg dhe 40 milionë gjobë; përgjegjësi i qirave me 8 vjet burg e 20 milionë dhe nipi i trurit shqiptar me 7 vite burg dhe 20 milionë gjobë.
Operacioni kundër këtij rrjeti ishte rezultat i punës së gjatë dhe të fshehtë të Brigadës Qendrore të Narkotikëve që duhej të deshifronte edhe gjuhët e koduara të të hetuarve. Gjithçka nisi nga dyshimet e Policisë Kolumbiane, në vitin 2018, se trafikantët “ e rëndë” të drogës mund të përgatisnin një dërgesë kokaine në Spanjë me kontejnerë.
