DURRËS- Vajza 3-vjeçare e cila u rrëzuar mbremjen e djeshme nga kati i shtatë i një pallati në Durrës mësohet se është jashtë rrezikut për jetën. Ajo u transportua mbrëmë drejt spitalit të Traumës ndërsa sot gjendja e saj paraqitet më e mirë. Vogëlushja ndodhet ende nën kujdesin e mjekëve.
Fëmija ra nga lartësia teksa ndodhej në ballokn me prindërit e saj. Sipas policisë vendore, ngjarja ka qenë aksidentale. Në një moment vogëlushja është shkëputur nga prindërit dhe ka rënë nga ballkoni i apartamentit. Tenda e një dyqani në katin e parë të godinës ka zbutur forcën rënëse të trupit nga lartësia që më pas ra në arkat me fruta e perime.
