DRENOVA- Zjarri që ka përfshirë masivin pyjor në Drenovë është përhapur me shpejtësi duke marrë përmasa shqetësuese. Bëhet me dije se për shkak të erës së fortë, flakët janë drejtuar drejt një nënstacioni elektrik, duke vënë në rrezik infrastrukturën energjetike të zonës.
Sipas informacioneve, shërbimet zjarrfikëse janë përqendruar me urgjencë pranë nënstacionit, ku po ndërhyjnë me mjetet në dispozicion për të neutralizuar përhapjen e zjarrit. Nga ana tjetër, terreni i thyer dhe kushtet atmosferike e bëjnë situatën të vështirë.
