Vatra e zjarrit në afërsi të Parkut Natyror të Gërmenjës po përparon në drejtim të territorit grek, për shkak të erës që po fryn. Një ekip prej 40 forca dhe 9 mjete janë angazhuar që prej orëve të para për të mbajtur nën kontroll flakët dhe për të parandaluar përhapjen e zjarrit në këtë zonë të mbrojtur. Dituar mjaft të rrezikshme, për shkak të municioneve të mbetura, operacionet për shuarjen e zjarrit po kryhen me kujdes të shtuar, duke u koordinuar gjithashtu me autoritetet greke.
Një tjetër vatrë zjarri është aktive në Zonën e Mbrojtur Balloll në Poliçan, ku flakët po përhapen drejt fshatit Plashnik i Madh. Terreni është i vështirë, dhe pritet ndërhyrje nga ajri për të ndihmuar në shuarjen e zjarrit. Në vendngjarje janë të pranishme forca të ushtrisë dhe zjarrfikës. Një vatrë tjetër zjarri është raportuar në fshatin Velçan të Beratit, ku po punojnë dy mjete zjarrfikëse dhe 12 forca.
Në Fushë-Arrëz, lufta me flakët vazhdon në fshatin Xath. Forcat e ushtrisë dhe komuniteti vendas po ndihmohen gjithashtu nga një helikopter që po shuan flakët nga ajri. Terreni në këtë zonë është shumë i thepisur dhe ndihma nga ajri është e domosdoshme. Strukturat e Emergjencave Civile të Prefektit të Qarkut Shkodër janë të pranishme për të koordinuar operacionet me strukturat vendore. Mirëpo, në zonat e tjera të Qarkut Shkodër, të gjitha vatrat aktive të zjarrit janë shuar.
Në kënetën e Domit në Velipojë, e cila është një Zonë e Mbrojtur, nuk ka flakë, por vetëm tym që nuk paraqet rrezik përhapjeje. Puna vazhdon për shuarjen e cungjeve dhe kontrollin e vatrës së izoluar të zjarrit në Maja e Zezë, në Parkun Natyror të Monellës në Kukës, ku janë angazhuar 5 zjarrfikës. Në bashkitë Has dhe Tropojë nuk ka vatra aktive zjarri, duke ofruar një pamje më të qetë për këto zona në këto momente të vështira.
