Një zjarr i madh shpërtheu pasditen e sotme në lagjen Qoshkë, në fshatin Lapardha 1 të Beratit, duke djegur 3 hektarë ullisht. Flakët, të nxitura nga era dhe temperaturat e larta, kërcënuan 3 banesa të afërta.
Më shumë se 15 zjarrfikës dhe 4 mjete zjarrfikëse nga Berati, Kuçova dhe Dimali, arritën të lokalizojnë dhe shuanin zjarrin pas rreth 1 ore. Policia është në kërkim të autorëve të dyshuar për zjarrvënien e qëllimshme.
