Ish-kryeministri Sali Berisha ka zhviilluar këtë të shtunë një bashkëbisedim virtual me qytetarët në Facebook.
Ai foli ndër të tjera edhe për hakerimin dhe sistemin Tims, ku për këtë të fundit u shpreh se është shkatërruar dhe se aeroporti është kthyer në porte eksporti të krimit drejt fqinjëve.
Berisha: Zhurma në Britani të Madhe është e drejtë, autoritetet britanike e dinë që në kufirin shqitpar nuk ka më kontroll se drejt Londrës kanë vërshuar e vërshojnë nga Shqipëria kriminelë jo vetëm shqiptar por dhe nga vende të tjera për arsye se sistemi TIMS është rrënuar. Në këtë mënyrë aeroportet tona u bënë porta eksporti krimi. Ndaj dhe alarmi i madh, s’jam dakord me asnjë etiketim, por të vërtetën duhe ta shohim në sy.
Akti më i rëndë që mund të bëjë Shqipëria ndaj fqinjëve është eksporti i krimit por është DASH që ka deklaruar në raportin e tij se Shqiperia është epiqender operacionale e organizatave kriminale të rajonit dhe të botës”, tha Berisha.
