Në fjalën e tij, bashkëkryetari i këtij komisioni Enkelejd Alibeaj tha se kjo reformë duhet të gëzojë legjitimitet publik, të adresojmë rekomandimet e OSBE/ ODIHR, që e bëjnë të detyrueshme ndërhyrjen e parlamentit për të mbushur vakumin ligjor.
“Ky është një komision i kërkuar nga PD dy vite më parë, sipas një interesi që reforma të gëzojë legjitimitet të plotë të përfaqësuar janë të gjitha partitë politike. Në këto kushte të paktën në aspektin e përfaqësimit cdo kush është i përfaqësuar.
Kjo reformë duhet të gëzojë legjitimitet publik, të adresojmë rekomandimet e OSBE/ ODIHR, që e bëjnë të detyrueshme ndërhyrjen e parlamentit për të mbushur vakumin ligjor. Mbaj përgjegjësi bashkë me kolegët që përfaqësojmë një pjesë të konstelacionit opozitar, pa marrë parasysh interesat e partive të tjera, besoj se kjo mënyrë është majftueshmërisht e kënaqeshme që sipas vendimit të kuvendit, secila parti mund të propozojë.
Kemi rënë dakord për një kalendar pune, që mban parasysh vijimin e reformës, dhe ka të ndara që ky kalendar daton nga data 20 janar dhe përfundon më 25 mars.
Seancat dëgjimore me partitë, OJF, pra një process konsultimi i gjerë. Pjesa e dytë ajo që ka të bëjë me përgatitjen e ekspertëve, e treta shqyrtimi i cështjeve konkrete dhe e katërta, hartimi i draftit.
Pres që edhe anëtarët të japin sygjerime, që kalendari të pësojë një ndryshim spostimi me një javë të datave të parashikuara në këtë kalendar.
Kujtoj, jo vetëm për anëtarët në dijeni por edhe për publikun që në zbatim të vendimit të kuvendit, nga ana e PD janë depozituar draft amendamentet cështjet që sipas nesh i adresojnë të gjitha. Prej datës 15 nëntor 2023 është depozituar seti i plotë i amendamenteve të paraqitura prej nesh. Është pikëpamja jonë, jemi të hapur që gjithësecili të ofrojë propozimet e veta, t’i diskutojmë e më pas të arrijmë në një pikë të përbashkët.” Tha Alibeaj ndër të tjera në fjalën e tij.
