FIFA dhe federata e futbollit të Amerikës së Jugut (Conmebol) i kanë shkruar një letër Konfederatës Braziliane të Futbollit (Cbf), duke i bërë me dije se do ta pezullojë atë, duke rezultuar në përjashtimin nga garat ndërkombëtare të kombëtares dhe të gjitha klubeve braziliane, nëse nuk zgjidhet çështja e presidencës në një kohë të shkurtër dhe pa ndërhyrje të jashtme.
Një veprim i nxitur nga vendimi i Gjykatës së Drejtësisë së Rio de Zhaneiros, që më 7 dhjetor largoi Ednaldo Rodrigues nga presidenca e Cbf për parregullsi të supozuara në zgjedhjen e tij dhe bëri thirrje për zgjedhje të reja së shpejti.
Federatat e lidhura me FIFA-n duhet të menaxhojnë punët e tyre në mënyrë të pavarur dhe pa ndikim të panevojshëm nga palët e treta, thuhet në letër, e cila vjen pas një paralajmërimi të dërguar menjëherë FIFA-s për autoritetet braziliane të futbollit.
“Rregullat janë të qarta. Ndërhyrja e fuqive të jashtme nuk lejohet në asnjë mënyrë,”-shpjegoi për mediet amerikane një burim i brendshëm i Cbf.
FIFA dhe Conmebol do të dërgojnë një delegacion në Rio de Zhaneiro më 8 janar për të gjetur një zgjidhje për krizën, ndërkohë duke ftuar këdo që të përmbahet nga iniciativat, veçanërisht në lidhje me zgjedhjet e reja.
