Zgjedhjet lokale në Maqedoninë e Veriut, të mbajtura dje, kanë sjellë bashkë kandidatët shqiptarë në garën për komunën e Bërvenicës. Raundi i dytë do të jetë midis Haqim Ramadanit nga koalicioni VLEN dhe Jovica Ilievskit nga OBRM-PDUKM.
Pas përfundimit të votimeve, Enver Pajaziti nga koalicioni AKI, që doli i treti në zgjedhje, shpalli mbështetje për kandidatin e VLEN-it. Ai vizitoi selinë e VLEN-it dhe theksoi se në raundin e dytë do të punojnë së bashku për të rikthyer komunën te shqiptarët. Pajaziti u shpreh se, nëse kjo bashkëpunim do të kishte ndodhur edhe në vitin 2021, Bërvenica do të ishte udhëhequr nga një kryetar shqiptar.
Në mandatin 2021–2025, Bërvenica është udhëhequr nga OBRM-PDUKM, për shkak të përçarjes së votës shqiptare në zgjedhjet e kaluara. Sipas rezultateve të deritanishme, pas numërimit të 94% të votave, renditja është si më poshtë:
– Jovica Ilievski (OBRM-PDUKM) – 2.837 vota
– Haçim Ramadani (VLEN) – 2.019 vota
– Enver Pajaziti (AKI) – 1.142 vota
– Svetlana Mitreska-Anxheloska (LSDM) – 403 vota
Raundi i dytë pritet të jetë vendimtar për të përcaktuar nëse Bërvenica do të mbetet nën drejtimin e OBRM-PDUKM-së ose do të kalojë për herë të parë pas disa vitesh nën udhëheqjen e një kryetari shqiptar. Kjo pritet të nxjerrë në pah rëndësinë e unitetit brenda komunitetit shqiptar për të arritur rezultate më të mira në zgjedhje.
