Koalicioni ‘Bashkë Fitojmë‘ kërkoi përsëritjen e zgjedhjeve të 4 gushtit që u zhvilluan në Himarë, për zgjedhjen e kryetarit të ri të Bashkisë, por KAS ka lënë në fuqi rezultatin e zgjedhjeve në Himarë ditën e sotme duke rrëzuar koalicionin ‘Bashkë Fitojmë‘.
Zgjedhjet e pjesëshme të Himarës, ku u shpall fitues Kandidati socialist vangjel Tavo, kandidati socialist, me një rezultat të thellë ndaj rivalit opozitar Petro Gjikuria, për opozitën duhet të shpallen të pavlefshme.
PD kërkoi pavlefshmërinë e zgjedhjeve në Himarë dhe ngriti pretendimin se 6000 mijë qytetarë nuk votuan dot për shkak të kartave të skaduara, ndërsa sipas tyre 300 votues të rinj janë shtuar nga bashkitë e tjera.
Gjetjet nga administrata e KQZ pas verifikimit të materialeve zgjedhore:
-169 qytetar janë kthyer për shkak se kanë pasur karta të shkaduara. Nga këto raste janë gjetur 23 në librin e protokollit, mbi 140 të tjerët në regjistrat posaçëm të zgjedhësve. Rreth 100 zgjedhës patën vështirësi për tu identifikuar me pajisjen PEI (nuk ka njohur gjurmën e gishtit).
-Nuk jane evidentuar raste me votim me kartë të skaduar.
Pretendimi i Koalicionit ‘Bashke Fitojmë’:
-560 që kanë shkuar dhe janë kthyer nga qendrat e votimit, për shkak të kartave të skaduara të votimit
-260 nuk i ka njohur pajisja e identifikimit PEI, pasi kishin kartat e rinovuara ditët e fundit, para 4 gushtit.
