TIRANË- Partia Socialiste do të festojë fitoren e zgjedhjeve të 11 majit ditën e sotme (26 maj). Kryesocialisti Edi Rama, njëkohësisht edhe kryeministër, do të mbledhë të gjithë skuadrën e 11 majit në Pallatin e Brigadave. Bëhet e ditur se festa do mbahet në orën 18:00 dhe të ftuar janë të gjithë kandidatët fitues dhe ata jofitues në zgjedhjet e 11 majit.
Festa e socialistëve vjen pasi Komisioni Qendror i Zgjedhjeve certifikoi rezultatin e zgjedhjeve të 11 majit me tabelat përmbledhëse të 12 qarqeve, duke vulosur rezultatin 83 mandate për PS, 50 për PD-ADSHM dhe 7 mandate për forcat e tjera të reja; 3 PSD, 2 Mundësia, 1 Lëvizja Bashkë dhe 1 Nisma Shqipëria Bëhet.
