TIRANË- Fletët e votimit për diasporën për zgjedhjet parlamentare të 11 majit, të cilat janë printuar në Slloveni kanë mbërritur në vendin tonë. Bëhet me dije se këto fletë votimi janë vendosur në parkun Olimpik ndërsa mbushja e zarfeve pritet të nisë të mërkurën.
Dërgimi i zarfeve me fletën parashikohet të përfundojë më 17 Prill dhe iu mbërrin emigrantëve për 1-3 ditë. Përgatitja e dokumentacionit zgjedhor do të monitorohet me kamera 24 orë.
“Rreth datave 7-8 prill do t’i kemi këtu fletët e votimit për votimin nga jashtë, ndërsa në 8-9-10 do të fillojmë përgatitjen e zarfeve dhe gjithë dokumentacionin për votuesit jashtë vendit duke shpresuar që ky proces të realizohet brenda datës 15 ose 17 prill në afatin maksimal. Më pas, do të ketë kohë e mjaftueshme për t’i sjellë në KQZ deri në orën 19:00 të datës 11 maj”, tha Celibashi pak ditë më parë.
