TIRANË- Partia e re e Lulzim Bashës është regjistruar në Komisionin Qendror i Zgjedhjeve për zgjedhjet parlamentare të 11 majit. KQZ në mbledhjen e sotme regjistroi partinë politike “Koalicioni Euroatlantik”, me kryetar Endri Hasën.
“Për rastin e dytë janë bërë reflektim në regjistrin themeltar të partive politike, pranë Gjykatës së Tiranës. Për sa u referua, vendosim regjistrimin e partisë politike “Minoriteti etnik grek për të ardhmen”, me kryetar, Kristo Kiço, dhe regjistrimin e Partisë politike “Koalicioni Euroatlantik”, me kryetar Endri Hasën, si subjekt zgjedhor për zgjedhjet për Kuvend të datës 11 maj 2025”, , tha kreu i KQZ, Ilirian Celibashi.
KQZ ka regjistruar sot për zgjedhjet e 11 majit edhe partinë “Minoriteti etnik grek për të ardhmen”, me kryetar, Kristo Kiço. Deri më tani KQZ ka regjistruar 53 parti për të garuar në zgjedhjet e 11 majit.
