Një zyrtar i Ambasadës së SHBA-së në Tiranë ka reaguar për News24 lidhur me procesin e zgjedhjes së drejtuesit të ri të Prokurorisë së Posaçme (SPAK). I pyetur nga gazetarja Klodiana Lala, ai theksoi se pavarësia dhe funksionimi i pandikuar i SPAK janë vendimtare për sigurinë e qytetarëve shqiptarë.
“SPAK mbetet një partner i çmuar i Shteteve të Bashkuara në luftën kundër krimit ndërkombëtar,” deklaroi zyrtari amerikan, duke nënvizuar mbështetjen e vazhdueshme të SHBA-së për institucionet e drejtësisë.
I pyetur për çështjen “Balluku”, ai shtoi se Ambasada nuk komenton mbi procese të brendshme ligjore që janë ende në zhvillim.
