EUROPA- Ministrat e Jashtëm nga 27 vendet e Bashkimit Evropian po mbërrijnë në Bruksel të vetëdijshëm se janë lënë mënjanë dhe injoruar nga administrata Trump.
Të premten, ministrat e jashtëm të Francës dhe Gjermanisë, si dhe homologu i tyre britanik, David Lammy, udhëtuan për në Gjenevë me shpresën për të ulur tensionet dhe për të bindur Teheranin të ulet në tryezën e negociatave bërthamore.
Pas takimit me ministrin e jashtëm iranian, evropianët dërguan një mesazh të përbashkët se bisedimet duhet të vazhdojnë, duke thënë se ata “mirëpritën përpjekjet e vazhdueshme të SHBA-së për të kërkuar një zgjidhje të negociuar”.
Më pak se 24 orë më vonë, pas takimit në Zvicër, SHBA-të nisën sulmet ndaj Iranit. Irlanda ka thënë se sulmet përfaqësojnë një “përshkallëzim jashtëzakonisht të rrezikshëm”. Në orën e kaluar, ministri i jashtëm spanjoll José Manuel Albares tha se Evropa duhet të jetë “zëri i paqes dhe diplomacisë”.
