Arjan Çani, gazetari që po “sorollatet rrugëve” prej shumë muajsh, tashmë ka gjetur televizionin ku do të transmetojë emisionin e tij.
Pas largimit nga “Tv Klan”, u tha se gazetari do shkojë te “Abc News” që drejtohej nga Klodjan Allajbeu.
Pasi mori ca para nga “Abc News”, Arjan Çani u largua. Më pas u tha se gazetari do të shkonte te media e Irfan Hysenbelliut, ku mori sërish paradhënie dhe më pas u largua.
Tani ai është kthyer te “Abc News”, i cili pas ndërrimit të pronarëve është bërë zëri i PS-së, televizioni ku kronikat ia kalojnë edhe lajmeve të “Zërit të Popullit”.
CNA.al ka mësuar se Çani pritet të fillojë të premten në orën 21:00 transmetimin e emisionit të tij “Zonë e Lirë”.
Kështu ka marrë fund sorollatja disa mujore e gazetarit.
