Më shumë se 50 persona janë arrestuar në Britani pasi dyshohet se janë të përfshirë në një bandë kriminale të kultivimit dhe shitjes së lëndëve narkotike. Mediat e huaja shkruajnë se pas një hetimi një mujor është bërë i mundur kapja e anëtarëve të bandës kriminale dhe është bërë sekuestrim i 10 000 bimëve kanabis me vlerë miliona paund.
Operacioni i Policisë së Mançesterit kishte për qëllim trajtimin e “grupeve kriminale shqiptare” lidhur me rritjen e kanabisit dhe pastrimin e parave në të gjithë rajonin.
“Bandat kriminale, të përfshira në disa nga krimet më të rënda dhe më të tmerrshme, përdorin prodhimin dhe shitjen e kanabisit si një pjesë themelore të sipërmarrjeve të tyre kriminale. Unë e kuptoj që njerëzit kanë pikëpamje të ndryshme për kanabisin, por unë do t’u bëj thirrje njerëzve që e shohin atë vetëm si një qese me barërat e këqija të mendojnë dy herë për implikime dhe shfrytëzimin e dhunën që është e lidhur në mënyrë të pamohueshme me kultivimin e kanabisi.” Ka thënë Inspektori i detektivit Paul Crompton
Ndër të tjera në media thuhet se 10,000 bimët e kanabisit të sekuestruara arritën në një vlerë prej rreth 9 milion £, ndërsa oficerët konfiskuan gjithashtu rreth 24,000 £ në para.
Në total u arrestuan 53 persona, kryesisht për kultivim kanabisi dhe për marrjen e energjisë elektrike, por edhe një sërë veprash të tjera, duke përfshirë pastrim parash, posedim droge me qëllim furnizim dhe armëmbajtje.
