Dosja e prokurorisë me dëshminë e drejtorit të burgut të Peqinit, Kamber Hoxha zbardh shumë detaje për atë që ndodhte brenda këtij institucioni. Misteri i madh është si është futur pistoleta brenda për të arritur në dorën e Sokol Mjacajt. Kësaj pyetje ende nuk i është dhënë përgjigje në një kohë që skanerët ishin jashtë funksionit.
Megjithatë, Mjacaj sipas drejtorit ka treguar se ku e kishte fshehur. Sipas drejtorit Mjacaj ka treguar se e ka futur armën para një muaji dhe e ka mbajtur të fshehur në kutinë e qumështit. Ngjarjen i ka treguar se e ka bërë pasi ka marrë vesh se do të futej në 41-biss.
“Unë kam komunikuar me Sokolin për rreth një orë e gjysmë, pasi ai u fut tek dhoma e takimit. Në komunikim ishte shumë i qetë. Më tha se armën e kam futur para një muaji dhe e kam mbajtur të fshehur në kutinë e qumështit. E bëra këtë kur mora lajmin nga mediat që u futa në 41-Biss”, ka dëshmuar Hoxha para prokurorisë.
