TIRANË- Sekretari për çështjet ligjore të PD, Ivi Kaso, ka zbuluar mesazhin e Sali Berishës për kandidatët e PD që do të kenë mbështetjen e partisë për të gjitha kërkesat dhe ankimimet në KQZ. Lideri i opozitës ka theksuar në mesazh se transparenca e plotë është standard i PD-së dhe koalicionit.
“Të nderuar drejtues politikë të qarqeve dhe kryetarë të degëve të PDSH. Çdo kandidat/e për deputet të koalicionit PD-ASHM, që për efekte ligjore i nevojitet mbështetja e partisë për çdo kërkesë që paraqet, kamera, verifikime, rinumërime, etj, do të mbështetet pa asnjë hezitim nga partia! Ju rikujtoj se transparenca e plotë është standard i PD-së dhe koalicionit tonë! Përshëndetje, Sali Berisha,” thuhet në mesazhin e Sali Berishës.
“Kjo nuk është betejë për emra, por për transparencë. Dhe kjo bëhet për të gjithë, për të gjithë procesin”, tha Ivi Kaso në emisionin “Log”.
