Një hetim i emisionit investigativ “Vetting” zbulon lidhje të dyshimtë midis kompanisë shqiptare “Sokolaj” sh.p.k dhe dy kompanive gjermane, përfshirë “Scholz Holding GmbH”.
Kjo kompani është në pronësi të “Chiho Environmental Group Limited”, një nga kompanitë më të mëdha në Kinë për riciklimin e skrapit. Hetimet tregojnë se një ngarkesë prej 115 kontenierësh, e cila mbërriti në Kinë, është bllokuar nga autoritetet kineze për shkak të përmbajtjes së mbetjeve të rrezikshme, duke përfshirë plumb dhe metale të tjera toksike.
Doganat shqiptare e kanë klasifikuar ngarkesën si një tranzit ndërkombëtar me origjinë nga Kosova, duke i atribuuar dërgimin kompanisë zvicerane “ACHRO AG”. Megjithatë, ekspertët mjedisorë vlerësojnë se kemi të bëjmë me mbetje industriale dhe jo me material të riciklueshëm.
Pas denoncimeve, autoritetet shqiptare pranuan se ngarkesa kishte mbetje të rrezikshme, pavarësisht përpjekjeve për ta mbajtur këtë informacion të fshehtë.
