Policia lajmëroi mëngjesin e kësaj të premte se kishte arrestuar ish deputetin socialist, Alqi Bllako.
Kjo bëri që të ngriheshin dyshime për mungesën e tij, ndërkohë që zyrtarët e tjerë të akuzuar në dosjen e incerenatorëve ishin prangosur më herët gjatë ditës.
SPAK sqaroi se prej vendimi i gjykatës i është vënë në dispozicion të Prokurorisë së Posaçme në orën 15.30 të ditës së djeshme. Ndërsa arrestimi është kryer në mengjesin e orës 3.30 të së premtes. Nga heqja e mandatit të cilin e dorëzoi vetë deputeti e deri tek autorizimi u deshën plot tre ditë për ta arrestuar dhe 12 orë për të vepruar policia, kohë gjatë së cilës mediave të ndryshme iu servirën informacione të ndryshme mbi arrestimin apo vetëdorëzimin e tij.
U deshën sërish dhe disa orë pasi në media doli lajmi se bllako mund të ishte arratisur, që ish deputeti socialist të vihej në pranga në orët e para të mëngjesit. Bllako akuzohet se ne kohen kur ishte sekretar i përgjithshëm i ministrisë së Mjedisit ishte shpërdoruar detyrën duke falsifikuar se bashku me ministrin Lefter Koka dokumentat zyrtare te shpronësimit të tokës ne Fier ku do ndërtohej inceneratori.
