Mesnatën e të mërkurës humbën jetën katër të rinjtë në Fushë Prezë.Makina tip “Benz” me të cilën udhëtonin Andi Laçi, Enrikejd Kurti dhe dy vëllezërit Enejd dhe Erildi laçi në fillim kanë parakaluar 2 kamionë në rrugën Vorë-Fushë Krujë dhe më pas kanë hyrë në korsin e tyre.
Më pas disa sekonda me vonë ata janë përplasur me betonieren e ndaluar ku si pasojë makina e ytre ka shpërthyer në flakë dhe 4 të rinjtë janë djegur brenda.
Sipas dëshmisë së shoferit të betonieres, 24 vjeçarit Aleksandër Krrashi ka deklaruar se sapo kishte hyrë në rrugën kryesore i është fikur mjeti pasi sipas tij i kishte mbaruar nafta. Ai ka shkuar në një karburant aty afër dhe ka harrar që të ndezë bllokazhin e makinës.
Sipas grupit hetimor përplasja ka qenë e fortë dhe ka ardhur për dy arsye: prej shpejtësisë së lartë dhe mungesës së fushë-pamjes, për shkak mjeti ka parakaluar dhe nuk e ka parë betonieren e ndaluar.
Nga verifikimet paraprake, në momentin e përplasjes mjeti ka qenë me shpejtësi rreth 170 km në orë, ndërsa gjatë lëvizjes kur ka kryer dhe parakalimin mund të ketë qenë me shpejtësi rreth 200 km në orë.
