Detaje të reja kanë dalë nga sherri i regjistruar mbrëmjen e kësaj të diele në qytetin juglindor të Shqipërisë, Korçë, ku si pasojë tre persona mbetën të plagosur.
Burime për mediat bëjnë me dije se dy grupe të rinjsh u përleshën fizikisht me njëri-tjetrin në ambientet e një lokal në zonën e parkut të Korçës
Sherri mes tyre i cili dyshohet se ka ardhur për arsye banale, agravoi deri në përdorimin e thikave, ku si pasojë mbetën të plagosur edhe tre prej të rinjve të përfshirë në këtë konflikt.
Njëri prej të plagosurve ka marrë plagë në pjesën e barkut, ndërkohë që tjetri në zonën e gjoksit. Deri më tani nuk dihet asnjë detaj lidhur me gjendjen e tyre shëndetësore.
Policia ndodhet në vendin e ngjarjes dhe ka nisur hetimet për të zbardhur rrethanat dhe për të identifikuar të gjithë personat e përfshirë në këtë konflikt të përgjakshëm.
Theksojmë se deri më tani nga ana e bluve të Korçës nuk ka një reagim zyrtar!
