Wrexham, një skuadër futbolli që ka rikthyer vëmendjen në vitet e fundit, u blerë nga yjet e Hollywood, Ryan Reynolds dhe Rob McElhenney. Pasi kaloi sezonin 2022/23 në kategorinë e pestë të futbollit anglez, ekipi është ngjitur me sukses në Championship pas dy ngjitjeve rradhazi nga League 2 dhe League 1. Tani, objektivi i Wrexham është ngjitja në Premier League, një sfidë që duket të jetë e arritshme.
Një moment kyç në këtë rrugëtim ndodhi në stadiumin Racecourse Ground, kur Wrexham organizoi një festë futbolli duke mundur liderin e pathyer deri në atë moment, Coventry, me rezultatin 3-2. Pas një fillimi të keq, ku Coventry shënoi i pari me anë të Ephron Mason-Clark, skuadra e Wrexham përmbysi situatën falë tregolëshit të Kieffer Moore. Kjo fitore e rëndësishme rrit mundësitë e Wrexham për t’u kualifikuar në playoff për ngjitjen në Premier League, duke e lënë ekipin vetëm dy pikë larg këtij objektivi.
Ëndrrat e yjeve të Hollywoodit për Wrexham vazhdojnë të rriten, dhe me entuziazmin e tifozëve dhe performancat e mira në fushë, askush nuk mund të përjashtojë mundësinë që skuadra të luftojë për vendin e saj në elitën e futbollit anglez.
